Стационарлаште инфекций койкым ешарыме
Стационарлаште инфекций койкым ешарыме. Коронавирус шарлаш тӱҥалмылан кӧра Йошкар-Оласе эмлыме верыште эше 30 койкым ешарен шындыме. Кызытлан тушто 190 койко уло. Тушто 173 еҥ эмлалтеш. Тушечын 54 еҥже нелын черланыше улеш, 128 еҥ кислород полышым налеш. Суткаште инфекций стационарлашке 40-50- еҥым пыштат. Врач- влакын мутышт почеш еҥ- влак полышым вараш йодмыштлан кӧра эмлыме верыш нелын черланен логалыт. Эн сай аралтышлан вакцинаций шотлалтеш. Тымарте республикышкына 69 тӱжем утла комплект вакциным кондымо. 62 тӱжем еҥ прививкым ыштыктен. Тушеч 50 тӱжем еҥже тичмаш курсым эртен.