Тений республикысе чодыраште 13 гана тул пижын
Тул пижме лӱдыкшӧ тургым тӱҥалме годсек республикысе чодыраште 13 гана тул пижын. Тудо 55 гектар утла кумдык кожлалан эҥгекым конден. Чыла вережат амалжылан айдемым шотлымо. Чодыраште кызытат тул пижме кугу лӱдыкшӧ аралалтеш. Сандене пӱртӱс поянлык министерстве чодыраш коштмо деч чарнен шогаш темла, а мийыме гын, тул дене пеш шкеланен пайдаланыман. Пижше тулым ужында гын, министерствын диспетчер службышкыжо 56-65-35 номеран телефон дене але вияш линийыш 8 800 100 94 00 номер дене вигак йыҥгыртыман да тулым йӧрташ пижман.