Осал чер уэш вуйжым нӧлта

                 Республикым вуйлатыше Александр Евстифеев Правительстве председательын алмаштышыже Ольга Фёдорова, Роспотребнадзор виктем вуйлатыше Светлана Булатова да Тазалыкаралтыш министр Марина Панькова дене совещанийым эртарен. Тушто тудо пайрем мероприятий- влакым вес жапыш кусараш кӱштымашым пуэн. Тазалыкралтыш министр Марина Панькова увертарен: пытартыш арняште коронавирус дене черланыше- влакым эмлыме верыш утларак пышташ тӱҥалме. Суткаште 34-37 еҥ пура, кугарня ден  шуматкече коклаште 51 еҥым эмлаш пыштыме. Тидыже эн шуко чот. Нунын кокла гыч 98 процентше пнемоний дене нелын орлана. Нуно чыланат привикым ыштыктен огытыл. 25-ше май гыч койко фондым 45-ытлан ешарыме да 415-ыш шуктымо. Тушечын 88 процентше кучылталтеш. Черланыше- влак Марий Турек, Морко, Звенигово районлаште ешаралтыныт. Республикыште 110 стационар да 74 мобильный пунктышто прививкым ыштыкташ лиеш. Роспотребнадзор виктем вуйлатыше палемден: чер ешаралтмылан амалым профилактике да чарыме мерым пудыртымаш, гигиена правилым шуктыдымаш ышта. Сандене ешлаште ваш-ваш черланат, тӱшка траснпорт дене сад-пакчаш коштмат лӱдыкшым луктеш. Александр Евстифеев палемден: чер шарлымым шотыш налын, шуко еҥ погыныман тӱшка мероприятий- влакым эртараш ок лий. Сандене нуным вес жапыш кусарыме лиеш. Тыге, Курык марий районлан 100 ий теммым, Российын кечыжым, Пеледыш пайремым, Сабантуйым вес жапыш кусарыме.

Прошлые выпуски