Маске дене коштмо режимым тергат

              Йошкар- Олаште маскым чиен коштмо режимым умбакыже тергат. Пытартыш жапыште коронавирус шотышто эпидемиологий йодыш начарештме палемдалтеш. Ятыр еҥ тӱшка верыш: кевытыш, аптекыш, моторлык салоныш да моло верышкат коштшыла маскым огыт чий. Тыгай факт- влакым рашемдымеке, нарушитель- влаклан протоколым возат. Мутлан, ончыгече, кум протоколым возымо. Ола администрацийын пашаеҥже, правам аралыше орган да Роспотребнадзорын специалистше- влак дене пырля эртарыме рейд мероприятийым умбакыже шуйымо лиеш.