Таче- социал пашаеҥын кечыже

                 Таче социал пашаеҥын кечыже палемдалтеш. Тиде сферыште тыршыше- влакым республикым вуйлатыше Александр Евстифеев профессионал  пайремышт дене саламла. Социал паша- тиде профессионализмым, чаткалыкым, поро кумылым, нелылыкыш логалше- влаклан полшаш ямде улмым йодшо паша. Марий Элыште 55 социал тӧнеж пашам ышта. Тушто кум тӱжем еҥ тырша. Республикын правительствыже социально аралалтдыме тӱшка еҥ- влаклан сай йӧным ышташ кугу тӱткышым ойыра, социал тӧнеж- влакын материально- технический базышытым пеҥгыдемда. Кодшо ийын Морко районышто Красностекловар психоневрологий интернатын малыме корпусшым чоҥымо, тений январьыште Звенигово олаште калыкым обслуживатлыше комплексный рӱдерым да соцал полышым пуышо рӱдерым капитально олмыктен пытарме. Социал сфера уэмеш да тидын годымак шке поро йӱлажым арален кода.Социал сферыште тыршыше- влаклан пашам йӧратымыштлан, порылыкыштлан, ончыкылан ӱшаным кучымыштлан кугу тау. Пайрем кечын чылалан пиалым, пеҥгыде тазалыкым, сеҥымаш- влакым тыланем,- ойлалатеш респуликым вуйлатышын саламлымашыштыже.

Прошлые выпуски