Корнышто фото ден видеом войзат

Марий Элыште кугорным тӧрлымӧ верлаште корно правил-влакым пудыртылмым рашемдыше фото да видеофиксаций комплексым ешарен шогалтат. Тачысе кечылан республика да федерал значениян 16 участкыште корным тӧрлат. Нине верлаште писылыкым иземдаш кӱлмӧ нерген пале-влак улыт гынат, авторанпсортым виктарыше-влак чӱчкыдын нуным шотыш огыт нал. Тыге шкаланыштат, корным тӧрлышӧ-влакланат эҥгекым конден кертыт. Сандене ГИБДД пашаеҥ-влак ешартыш мерым кучылтыт.