Марий Элысе выпускник-влак ончылно улыт

Марий Элысе туныктыш да шанче министерствыште тунемше-влакын олимпиадыштышт сеҥыше-влакым палемденыт. Всероссийский олимпиадын пытартыш этапыштыже 11 йоча шке шинчымашыжым терген. Кумытынжо пеш сай лектышым ончыктеныт. Йошкар-Оласе 28-ше номеран лицей гыч Михаил Бакулевский технологий предмет дене икымше верыш лектын. Советский посёлкысо 3-шо номеран школ гыч Алексей Виногоров географий дене призер лийын. У Торъял кыдалаш школ гыч Григорий Ложкин химий дене призер-влак радамышке логалын. Рвезе-влак чыланат тений 11-ше классым тунем пытарат.

Прошлые выпуски