Угарманыште ешартыш шинчымаш нерген ойлат
Тиде кечылаште Угарманыште ешартыш шинчымашым пуымо шотышто регион-влак кокласе форум эрта. Участник-влак элнан 51 регионжо гыч улыт. Нуно «Кажне йочан сеҥымашыже» федерал проектым илышыш шыҥдарыме шотышто йодышым каҥашат, икте-весышт дене опытышт дене пайлалтыт. Марий Эл деч форумышко Республикысе туныктыш да шанче министрын алмаштышыже Нонна Антоничева, Йоча да самырык-влаклан усталык полатын директорже Наталья Деревянко да Йоча-влаклан ешартыш шинчымашым пуымо шотышто регионысо модельный рӱдерым вуйлатыше Наталья Галямова каеныт.