Профилактика

10-шо июнь марте Марий Элыште «Тӱткӧ лийза, йоча-влак!» оперативно-профилактический операций эрта. ГИБДД пашаеҥ-влак йоча-шамычым автотранспортышто шупшыктымо правил-влакын шукталтмыштым тергаш тӱҥалыт. Тылеч посна ийготыш шудымо-влак дене корнышто шкем кузе кучаш кӱлмӧ шотышто умылтарымаш пашам эртарат. Тений 4 тылзе жапыште республикыште йоча-влак дене кылдалтше 16 корно туткар лийын. Тыште водитель-влакынат, ийготыш шудымо-шамычынат титакышт уло. Сандене профилактика пашам кугыеҥ-влак денат, йоча-шамыч денат эртарыман. Вет ончылно - кужу кеҥеж каникул.

Прошлые выпуски