Марий Элыште эн сай книгагудо пашаеҥ-влакым палемденыт.
Марий Элыште эн сай книгагудо пашаеҥ-влакым палемденыт. Пайрем погынымаш Книгудо-влакын кечыштлан пӧлеклалтын да Чавайн лӱмеш книгагудышто эртен. Погынышо-влакым Республикысе тӱвыра, печать да калык-влакын пашашт шотышто министр Константин Иванов саламлен да эн сай книгагудо да эн сай книгагудо пашаеҥ-влаклан тӱрлӧ наградым кучыктен. Конкурсышто изирак книгагудо да рӱдӧ книгагудо-влакым посна акленыт. Сандене сеҥыше икмыняр. Тыге изирак лудмо пӧрт-влак коклаште Оршанка районысо Табашино библиотеке, рӱдӧ книгагудо коклаште Звенигово межпоселенческий библиотеке эн сайлан шотлалтыныт. А ты шӧрыныштӧ тыршыше-влак коклаште Йошкар-Оласе 29-ше номеран книгагудо вуйлатыше Ксения Акилбаевам да У Торяъл межпоселенческий рӱдӧ книгагудын пашаеҥже Ксения Лебедевам палемденыт.