Аэропорт нерген

Республикысе Общественной палатыште Йошкар-Оласе аэропортлан лӱмым пуымо шотышто «йыргешке» ӱстел эртен. Тыге аэропортлан кумдан чапланыше композитор Андрей Эшпайын лӱмжым пуаш пунчалме. Композитор ушемын регионысо пӧлкажым вуйлатыше Валерий Кульшетов тыге палемден: «Йошкар-Олан гимнжылан семым лачак Андрей Эшпай возен. Сандене аэропорт тудын лӱмжым нумалаш да уна-влакым уло тӱнялан палыме композиторын семже дене вашлияш да ужаташ тӱҥалыт гын, пеш сай лиеш ыле».