Мошенник-влак огыт мале

Мошенник-влак калыкым ондалаш у йӧным шонен луктыныт. Тений тунемме ий вашеш школыш кайышаш йоча-влаклан 10 тӱжем теҥге дене пуымо нерген увер лекмеке, калык деке палыдыме еҥ-влак йыҥгырташ тӱҥалыныт. Нуно пособийым августышто огыл, а ончылгоч, майыште пуат манын ойлат. Тидлан банкысе карт номерым йодыт. Тидлан эсогыл Кугыжаныш услугын шояк сайтшым ыштат. Сандене пеш тӱткӧ лийман да банкысе карт номерым нигӧлан пуыман огыл.