Спортзалым уэмдат
Куженер районысо Шой-Шӱдымарий школышто спортзалым капитально олмыкташ палемдыме. Пашан чумыр акше - 2 миллион 700 тӱжем теҥге утла. Тидын нерген Кугыжаныш закупкын сайтыштыже увер уло. Документ почеш заказчик - Куженер район администраций. Ачалыме паша 15-ше июль марте эртаралтшаш. Тушто окнам, омсам, вӱдым ситарыше системым, канализацийым вашталтышаш улыт. Тыгак леведышым тӧрлыман, инвентарьым йӧнештарыман.