"Журавушка" йоча-влакым вуча

Марий Элым вуйлатыше Александр Евстифеев йоча каныме да кап-кылым тазаҥдыме тӧнеж-влакым умбакыже терга. Ты ган атудо ийготыш шудымо-влаклан «Журавушка» социально-реабилитационный рӱдерыште лийын. Ты рӱдерыште реабилитицийлан 52 вер да канаш 75 вер уло. Республикысе социально вияҥмаш министр Марина Островскаян мутшо почеш, неле илыш ситуацийыш логалше-влакын кеҥеж канышыштлан тений 20 миллион теҥге окса ойыралтын. 6 сменыште 336 йоча канышаш. Тылче посна августышто социально лӱдыкшӧ ешлаште кушшо да элкӧргӧ органлаште учётышто шогышо подросток-влаклан посна смена пашам ышташ тӱҥалеш. Александр Евстифеев илыме да модмо пӧлем-влакым, актовый залым, кочмыверым, мастерскойым, ЛФК залым, тыгак рӱдерын кумдыкшо ден пляжым ончен савырнен. «Журавушка» рӱдер вуйлатыше Андрей Мотовиловын палемдымыже почеш, тӧнеж кеҥеж каныме да кап-кылым тазаҥдыме тургымлан ямде.