Министерстве канашен
Республикысе тӱвыра, печать да калык-влакын пашашт шотышто министерствыште коллегийын погынымашыже эртен. Министр Константин Иванов тений идалык мучаш марте эртарышаш кугурак мероприятий-влак нерген ушештарен коден. «Тӱвыра» калыкле проектын илышыш пурталтмыже нерген министрын алмаштышыже Михаил Матвеев ойлен. Тудын палемдымыже почеш, тачысе кечын ты проект почеш чоҥышаш тӱҥ объектлан Марий кугыжаныш филармоний шотлалтеш. Тидын годымак паша районлаштат ышталтеш. Вожский, Советский да Шернур районлаште ялласе тӱвыра пӧрт-влакым капитально олмыктат. Ныл районышто йоча сымыктыш школым тӧрлаш палемдыме. Эрик Сапаев лӱмеш опер да балет театрыште вируал концерт залым ышышаш улыт. Чавайн лӱмеш книгагудышто книга-влакым цифран форматышке кусарыме паша умбакыже кая.Тӱвыра министрын алмаштышыже Елена Бурнашева Палантай лӱмеш тӱвыра да сымыктыш колледжыште эртышаш приёмный компаний дене палдарен. Кызыт районлаште профориентаций паша кая. Колледжын пашаеҥже-влак чыла муниципал образованийыште лийыныт