Саратов кундемыште "Туриада" эрта
Марий Эл гыч 38 еҥ «Туриада-2021» спорт да туризм лагерьышке каен. Тудо 18-ше гыч 22-шо май марте Саратов областьыште эрта. Тӱрлӧ регион гыч чумыргышо участник-влак шкеныштым тӱрлӧ дисциплиныште тергат. Нунылан велосипед, вӱд, йолын коштмо дистанций-влакым ямдылат, туризм маршрутым темлат. Тылеч посна моло ийлшате семынак усталык тергымаш-влак лийыт. Программышке тыгак «Йӧратем тыйым, Юл кундем» видеоконкурс, эн сай туризм маршрутлан презентаций, муро конкурс ден эстафета пурат. Сеҥышылан Россий президентын Юл кундем федерал округысо полномочный представительжын кубокшым кучыктат.