Туткарыш логалше-влакым шарнен

Таче Татарстан республикыште траур кечым увертарыме. Озаҥ оласе гимназийыште лӱйкалымаште ӱмыр лугыч лийше-влак верч уло Россий ойгана. Ятыр олаште туткарыш логалше-влакым шарныме лӱмеш шкешотан мемориал-влакым ыштеныт. Йошкар-Оласе калыкат ӧрдыжеш кодын огыл. Жаплан ыштыме мемориалым рӱдоласе 11-ше номеран гимназийын кудывечыштыже, Таисия Александровалан чапкӱ воктене, ыштыме. Тушко кажне кумылан еҥ миен кертеш. Таче колышо-влакым порын шарналташ мемориал деке пеледыш дене Марий Элым вуйлатыше Александр Евстифеев миен.