«Шарнымаш сад» акций умбакыже шуйна

                      Республикыштына «Шарнымаш сад» акций умбакыже шуйна. Тиде тӱнямбал акций кышкарыште мероприятий Сурок посёлко кумдыкышто эртен. Тушко пӱртӱс поянлык, спорт-туризм, туныктыш  министерствылан еҥышт ушненыт. Тиде акций Кугу сарыште сеҥымылан 76 ий теммылан пӧлеклалтын. Республикыштына тудо 26-шо апрель гыч 16-шо май марте шуйна. Тиде жапыште сеҥымашын идалыкше семын 76 гектареш 200 тӱжем тыгыде пушеҥгым шындаш палемдыме. Шындыме верлаште шарныктарыше аншлаг- влакым вераҥдыме лиеш.