Йошкар-Олаште эн сай клумбылан конкурс тӱҥалеш

                     Йошкар-Олаште икымше июнь гыч эн сай клумбылан конкурс тӱҥалеш. «Пеледше ола- 2021» да «Ужар ола» таҥасымаш- влак 17-ше сентябрь марте шуйнат. Тиде гана конкурс- влак Шанче да технологий идалыклан пӧлеклалтыт. Тушко чыла кумылан- влак ушнен кертыт. Йодмашым 15-ше июнь марте налыт, - увертара ола администрацийын пресс-службыжо.  Вертикально сӧрастарыме «Ужар ола» конкурсышто кок номинаций лиеш. Иктыже тӱшка кумдыкым сӧрастарымаш дене, весыже шуко пачеран пӧртын кудывечыжым сылнештарымаш дене кылдалтын. А клумбо- влакын «Пеледше ола» конкурсышт кум номинаций дене эрта. Тушто оласе предприятий, организаций, тӧнеж- влакын, пӧрт кудывечын, тунемме тӧнежын кумдыкышт таҥасат. Чыла организационный йодышым Йошкар-Оласе Комсомол урем, 134-ше пӧртысӧ 412-шо пӧлемыште але 42-33-60 номеран телефон дене умылкалаш лиеш.