Хоккей дене республикын Чемпионатше мучашлалтын

                    Хоккей дене республикын Чемпионатше мучашлалтын. Ныл тылзе мучко 9 команде чемпион лӱмым налшаш верч кучедалын. Тыге сеҥыше- влакым рашемдыме. Икымше верым «Альянс» командылан пуымо. Кокымшым «Федераций» налын. Кумшо верыш «Легион» лектын. Тыгак эн сай вратарь семын «Федераций» гыч Сергей Кочаковым палемдыме. Эн уста бомбардир лӱмым «Альянс» гыч Илья Кошкаров налын. «Союз» гыч Денис Алдушев эн сай аралыше семын аклалтын, а «Рубин» гыч Александр Рябинин эн сай нападающий лийын.