Пожар охрана подразделенийлан пашаеҥже - влакым Республикым вуйлатыше Александр Евстифеев профессионал пайрем дене саламла

                    Таче Российысе пожар охранын кечыже. Пожар охрана подразделенийлан пашаеҥже ден ветеранже- влакым да пожарный- доброволец- влакым Республикым вуйлатыше Александр Евстифеев профессионал пайрем дене саламла. Пожарный- тиде лӱддымӧ, чолга, кӧргӧ вий-куатан, еҥым утарышаш верч шке илышым чаманыде тыршыше еҥ- влакын профессийышт. Российын Правительствыже пожар охарынын подразделенийже- влаклан пашам ышташ сай йӧн лийже манын кӱлешан тӱткышым ойыра. Идалык еда спецтехникын паркше уэмдалт толеш. Марий Элыштат чодыра пожарым шижтарыме да йортымӧ, вучыдымо ситуаций ынже лий манын кугу паша шукталтеш. Пайрем кечын ветеран- влакланат таум каласыме шуэш. Нуно пожар охраным ыштымаште да вияҥдымаште шогеныт, самырык тукымлан опытыштым пуат. Чыла пожарныйым шуктымо пашажлан да профессийлан ӱшанле улмыжлан тауштем. Тыланда да ешланда пиалым, тазалыкым, улан илышым, тыныслыкым да порылыкым тыланем,- ойлалтеш республикым вуйлатышын саламлымашыштыже.