Теҥгече Марий Элым вуйлатыше пожарный да утарыше- влаклан чапкӱм почын да у технике деч сравочым кучыктен

                   Теҥгече Марий Элым вуйлатыше пожарный да утарыше- влаклан чапкӱм почын да у технике деч сравочым кучыктен. Рӱдӧ оласе Воскресенский паркым «Пожарный ден утарыше- влаклан- тыныс жапысе герой- шамычлан» чапкӱ сӧрастарен. Тудым почмаште республикым вуйлатыше Александр Евстифеев, сенатор- влак Константин Косачёв ден Сергей Мартынов, МЧС-ын Марий Элысе тӱҥ виктемжым вуйлатыше Александр Малкин, ведомствын коллективше да ветеранже- влак лийыныт. Чапкӱм лӱмлӧ скульптор- влак Анатолий Ширнин ден Сергей Яндубаев ыштеныт. Республикым вуйлатыше палемден: пожарный ден утарыше- влак калыкым тул деч утарыме пашам ойырен налыныт. Республикыште кызыт тиде службышто кок тӱжем наре еҥ пашам ышта. Тул деч федерал службын 22 подразделенийже да кугыжаныш противопожар службын 70 подразделенийже аралат. Нунылан доброволец- влак кугу полышым пуат. Кундемыштына ныл тӱжем еҥан 900 дружине ден добровольный команде шотлалтеш. Александр Евстифеев палемден: пожарный- влакын историйыштышт ятыр чапле странице уло. 1972-шо ийысе чодыра пожарыште кучедалмылан 50 утла пожарный кугыжаныш награде дене палемдалтын. 2010-шо ийысе шокшо кеҥежат шарнымашеш кодын. Тунам Марий Элысе пожарный- влак чодыра туллан ик пӧртымат, ик айдеме илышымат пытараш пуэн огытыл. Тунам  тулым йӧртышӧ ныл еҥ Мужество орден дене палемдалтын. Кодшо ийын тӱжемат 200 пожарым йӧртымӧ, 130 миллион теҥгеаш эҥгекым кораҥдыме. Кодшо ийын технике ден оборудованийым налаш 27 миллион теҥгем ойырымо, тений 34 миллион теҥгем палемдыме. Профессионал пайрем лӱмеш ойыртемалтше пашаеҥ- влак республикын наградыж дене палемдалтыныт. Тыгак пожар да утарыше подразделений- влаклан у технике деч сравочым кучыктымо.

Прошлые выпуски