Республикышкына икымше автоклубым кондымо
«Тӱвыра» калыкле проект кышкарыште республикышкына икымше автоклубым кондымо. Кусныл коштшо, шуко функциян икымше тӱвыра рӱдерым Параньга районыш пуымо. Автоклубым вашке гына концерт площадкыш савыраш лиеш. Тушто тул, йӱк да видеооборудований уло. Кусныл коштшо рӱдер клуб укеан тора яллаште пашам ышташ тӱҥалеш, тӱвыра мероприятий- влакым эртараш кучылталтеш. Идалык мучаш марте специализированный транспортым эше куд район налшаш. Казна тиде пашалан 33 миллион теҥгем ойырен.
