Йошкар-Ола арурак лиеш
Йошкар-Ола гыч ик суткаште 130 тонн лавыра ден ошмам ӱштын лукмо. «Город» МУП уремым эрыктыме пашам умбакыже шуя. Тиде сомыл Рябинин, Кремль, Лев Толстой, Осипенко уремлаште шукталтеш. Эртыше суткан 40 тонн ӱштын погымо шӱкым да 90 тонн лавырам лукмо. Пашазе- влак шӱк-куштыра деч Эҥер серым, Чавайн бульварым, Первомай уремым, Царьград ден Воскресенский проспектым, Шернур тракт уремым эрыктат. Мэрий ушештара: предприятий ден организаций- влак шке воктелсе 15 метр кумдыкым арун кучышаш да урным вераҥдышаш улыт.