Мӱкшым ончышо- влак погынымашым эртареныт
Мӱкш ончышо- влак опытышт дене ваш палдареныт, пӱсын шогышо йодыш- влакым каҥашеныт. Кушкыжмын «Мӱкшым ончымо пашаште пӱсын шогышо йодыш- влак» теме дене йыргешке ӱстелын заседанийже лийын. Тушто Ял озанлык министр Андрей Кондратенко, чодыра дене пайдаланыше- влак ушемын директоржо Бедертдинов, ветеринарий комитетын еҥже, Мӱкшызӧ- влакын «Марий отар» ушемыштын вуйлатышыже ден еҥже- влак да мӱкшызӧ- шамыч участвоватленыт. Министр отрасльын кӱлешлыкше да кызыт могай улмыжо нерген ойлен, ончыкылыклан задаче- влакым палемден. Тыгак чодыра фондын да ял озанлык мландым мӱкшызӧ- влакын кучылтмышт нерген ойлымо. Республикысе мӱкшызӧ- влак ушемым вуйлатыше Свинин кодшо ийысе пашам иктешлен, тений шуктышаш паша- влакым радамлен. Мӱкшызӧ- влак шке опытышт нерген каласкаленыт.
Фото: https://www.vpgazeta.ru/
Фото: https://www.vpgazeta.ru/