Пайрем жаплан лӱдыкшыдымылык йодышым каҥашыме

                        Правительстве пӧртыштӧ май пайрем- влакым эртарыме жапыште правам аралыше орган- влакын вий ден йӧныштын ямде улмыштым каҥашеныт. Марий Элым вуйлатыше Александр Евстифеев  Республикысе антитеррорист комиссийын да оперативный штабын заседанийыштым эртарен. Каҥашыме ик йодышыжо Шошо да паша пайрем ден Сеҥымаш Кечым пайремлыме годым калыкын лӱдыкшыдымылыкшӧ нерген лийын. Комиссийын председательже, Республикым вуйлатышын кӱштымыж почеш комиссийын еҥже- влаклан шке жапыштыже ведомство- влак коклаште, комиссий аппарат ден штабын еҥже- влакым лӱдыкшӧ нерген увер дене палдарен шогаш кӱштымӧ. Ола да район администраций вуйлатыше- влак пайрем марте инструктажым эртарышаш, тӱрлӧ мероприятийым эртарыше вуйлатыше, объект- влаклан методике да практик полышым пуаш, калыкым тӱткӧ лияш шижтараш, террорист акций лӱдыкшо годым мом ыштышашым умылтарышаш улыт. Тазалык аралтыш министерсвылан лӱдыкшӧ годым полышым пуаш вий ден йӧным ямдыште кучаш темлыме. Эл кӧргӧ паша министр Сергей Волчковын увертарымыж почеш, оперативный подразделений- влак ямдылалтме мероприятий- влакым эртарат. Задаче- влакым вашке виктарен колташлан пайрем жаплан сутка мучко Оперативный штаб пашам ышташ тӱҥалеш. Кызыт республикыштына Икымше майлан пайрем мероприятий- влакым палемдыме огыл. Икымше гыч кокымшо майыш йӱдым Кугече дене кылдалтше тӱшка мероприятий- влак эртат. Тӱшка порядкым эскераш МВД-н 250 сотрудникше лектеш. А Сеҥымаш кечым пайремлыме годым уремлаште эл кӧргӧ паша органын 950 сотрудникше дежурствым наҥгая. Ешартыш вий кӱлеш лиеш гын, ОВД-н сотрудникше да Росгвардий виктемын пашаеҥже- влак гыч резервым ямдылыме лиеш.

Прошлые выпуски