Республикыштына ялласе корным олмыкташ тӱҥалме
Республикыштына ялласе корным олмыкташ тӱҥалме. Келшыше игече шумо дене ола деч ӧрдыжсӧ корнылан проектыш пурышо ужашлаштышт олмыктымо паша тӱҥалын. Тений регион кӱкшытан 187 меҥге кужыт корным олмыкташ палемдыме гын, 211 меҥгым олмыктымо лиеш. 24 меҥгыжым олмыкташ оксам ешарен ойырымо. Индеш объектыште подряд организаций- влак ямдылыме пашалан пижыныт. «Марий Эл Дорстрой» Одобеляк- Куженер- Параньга, Елеево- Марий Турек-Лоп, Алексеевский- Кодам корнылаште пашам тӱҥалын. «Автодор» Красный Мост-Килемар-Шаранга, «Элитстрой» Емешево-Пайгусово-Засурье, Звенигово- Шолеҥер- Морко; «Медведевоагродорстрой» Аксарке-Марий Ушем, Куяр- Солнечный- Роҥго; «Марийскавтодор» Звенигово-Шолеҥер-Морко корнын вес ужашыжым олмыктат. Моло объектыште лишыл жапыште пашам тӱҥалшаш улыт.