Кугече юмылтымашым вияш эфирыште ончаш лиеш
Республикысе калык Кугече юмылтымашым вияш эфирыште ончен кертеш. Икымше гыч кокымшо майыш йӱдым Йошкар-Оласе Шнуй Юмынаван Благовещенийже лӱмеш кафедральный собор гыч пайрем богослуженийын вияш трансляцийже лиеш. Тудым мемнан «Марий Эл» ГТРК-ан сайтыштыже ончыман. Богослуженийым Йошкар-Олан да Марий Элын митрополитше Иоанн вуйлата. Трансляций 23 шагатат 30 минутлан тӱҥалеш.