Республикыштына идалык мучаш марте 25 объектым чоҥен шуктымо лиеш
Республикыштына идалык мучаш марте 25 объектым чоҥен шуктымо лиеш. Чоҥышо отрасль ончылно шогышо задаче- влакым Правительство коллегийын заседанийыштыже каҥашыме. Тудым Марий Элым вуйлатыше Александр Евстифеев эртарен. Тудо палемден: чоҥымо отрасль пытартыш жапыште вашталтын. Тидыже паша лектышым кугемдаш, утларак илыме верым ыштен шукташ, социал кӱлешан объект- влакым пашаш колташ йӧным ыштен. Республикыште чоҥымо отрасльым пужен ышташ тӱҥалынна. Капитально чоҥымаш виктемым ыштыме, кадр йодыш виктаралтеш, проект- влакын банкыштым чумыралтеш. Тидыже республикым социал да экономик велым вияҥдыме индивидуал программе дене келшышын чоҥаш, калыкле проект- влакым шыҥдараш полша. Правительстве председательын икымше алмаштышыже Александр Сальниковын мутшо почеш, тений Российыште тӱжемат 300 школым чоҥаш палемыме. Тушкак Йошкар-Ола, Козьмодемьянск да Медведевыште чоҥышаш школ- влакат пурат. Тыге, ешартыш куд тӱжемат 600 йочалан у вер лийшаш. Тиддеч посна ялласе тӱвыра пӧрт да тоштер- влакымат олмыкташ палемдыме. Кодшо ийын калыкле проектлам да индивидуал программым шыҥдараш республикыш 10 миллиард утла теҥге инвестицийым кондымо. Кызыт 79 объектым чоҥымо пашам терген шогалтеш. Тушечын 25-ше тений ыштен шукталтшаш. Александр Сальников ӱшандарен калалсен: палемдыме чыла объектат жапыштыже ыштен шукталтеш.