Тазалыкым пеҥгыдемдыме пашалан оксам пуымо

                    Республикысе тазалыкаралтыш министерствылан йоча тазалыкаралтышым, первичный медико-санитар полышым вияҥдаш, калыклан яра эмым ситараш да моло сомыллан 103 миллион теҥгем ойырымо. Республикым вуйлатыше Александр Евстифеев тидын шотышто распоряжениеш кидпалыжым пыштен. Тиде шийвундо гыч 50 миллионат пелыже яра эмым ситараш колталтеш. 11 миллионат пелыжым тазалыкаралтышын первичный звеножым уэмдаш кучылташ палемдыме. Лу миллион утла теҥгеже обязательный медицина страхований  программым шыҥдарымаште тыршыше республикысе медицина организацийлан ялыште илыше да пашам ыштыше специалистыштлан илыме вер да коммунал полышлан тӱлаш социал полышым пуаш колталтеш. Эше ик миллионат пеле теҥгеже регионысо проект- влакым шыҥдараш кучылталтшаш. Тиддеч посна вич миллион теҥгем коронавирус дене черланыше- влакым эмлыме годым шке черланыше медицина пашаеҥ- влаклан тазалыкым пеҥгыдемдаш путёвкын акшым пӧртылташ, кум миллионжо тест-системым налаш, куд миллион утла теҥгежым Республикысе клинический эмлыме верын пищеблокшын леведышыжым капитально олмыкташ кучышташ пунчалме.