Школышто тунемше икшыван еш- влаклан лу тӱжем теҥгем 17-ше август марте пуат

                   Школышто тунемше икшыван еш- влаклан лу тӱжем теҥгем 17-ше август марте пуат. Правительство 17-ше август марте 6 гыч 18 ияш марте йоча- влаклан да нужнанрак илыше тичмаш огыл ешлан да мӱшкыран ӱдырамаш- влаклан окса полышым пуымо шотышто докладым ыштышаш. Тидын нерген премьер-министр Михаил Мишустинын Владимир Путинын посланийжым шуктымо шотышто порученийже- влак спискыште ойлалтеш. Тиде пашам шукташ Финанс, паша, тазалыкаралтыш, просвещений министерстве- влак, Рособрнадзор ден Пенсий фонд мутым кучат. Ушештарена: Владимир Путин Федерал собранийлан колтымо посланийыштыже икшыван еш- влаклан оксам тӱлаш палмедыме нерген ойлен ыле. Мутлан, тичмаш огыл ешыште илыше 8 гыч 16 ияш марте йоча- влаклан вич тӱжемат 650 теҥгем, нужнанрак илыше мӱшкыран ӱдырамаш- влаклан тылзе еда 6 тӱжемат 350 теҥгем тӱлаш тӱҥалыт.