«Мариэнерго» филиалын энергетикше- влак салтак- шамычлан шогалтыме чапкӱ воктелсе кумдык- влакым тӧрленыт
«Мариэнерго Рӱдӧ да Юл кундемысе Россетьын» энергетикше- влак Сеҥымаш кече вашеш вуйым пыштыше салтак- шамычлан шогалтыме чапкӱ воктелсе кумдык- влакым тӧрленыт. Нуно саварым олмыктеныт, бордюрым чиялтеныт, кермыч дене оптымо вержым штукатуритленыт, тошто кушкылым эрыктеныт, пушеҥгым тӧрлен пӱчкеденыт, волгаларыше лампе- влакым уэмденыт. Тыгай пашам Медведево районысо Озакъялыште, Звенигово районысо Иркын, Юрино посёлкышто, Курык марий район Картукышто, Килемарыште, Параньга велысе Матародо, Советский районысо Кодамыште, Морко районысо Шеҥшыште, Марий Турек районысо Марий Озармаш, Халтурин яллаште, Шернур, Куженер, Оршанке районлаште шуктеныт. Генеральный директорын алмаштышыже Сергей Хлусов палемден: ме совет салтакын подвигшым аклена да аралена. «Мариэнерго» филиал ятыр ий дене чапкӱ ден мемориал- влакым шефствыш налын, нуным уэмдаш да олмыкташ полша. Энергетик- влакын тыршымыштлан кӧра республикысе калык шке кочаже, кугезе кочаже- влакым уэмдыме чапкӱ воктене шарналтен, пеледыш аршашым пыштен кертеш.