Марий Эл сайлымашлан ямдылалтеш

Дистанционный электронный йӱклымашке Марий Эл гыч 19 тӱжем утла еҥ ушна. Тиде тренировка шотан йӱклымаш. Тудо 12-шо гыч 14-ше май марте эрташ тӱҥалеш. Тенийысе сайлымаште республикыштына онлайн йӱклымаш огеш лий гынат, тренировкышко Российысе моло регион-влак дене пырля ушна. Тидын нерген Марий Элысе рӱдӧ сайлымаш комиссийын председательже Ирина Татаринова палемден. Тиде ийын сайлымаште 5-6 регион гына тыге йӱклен кертеш. Тренировочный электрон йӱклымашке ушнаш йӧн 21-ше апрель гыч 7-ше май марте пуалтын. Тачысе кечылан регистрацийым петырыме.

Прошлые выпуски