Йошкар-Оласе 11-ше лицейым пужен ышташ шонат

                     Республикым вуйлатыше Йошкар-Оласе 11-ше номеран лицейым пужен ыштыме йодышым ончен лекташ кӱштен. Молан манаш гын, тушто верым ешараш да кок смене дене тунемме гыч кораҥаш кӱлеш. Тыгай кӱштымашым Чоҥымаш да туныктыш министерстве- влаклан, ола округын администрацийжылан пуымо. Тидын нерген правительствын еҥже- влак дене эртарыме совещанийыште ойлымо. Ик ий ончыч тиде тунемме тӧнежлан 195 ий темын. Тудо оласе калык коклаште кугу йодмаш дене пайдалана. Ешартыш зданийым чоҥаш вер уке. Ик корно семын пайдаланыдыме школ бассейным кораҥден 500 верлан ешарен чоҥаш лиеш. Александр Евстифеев идалык мучаш, республикын бюджетшым пеҥгыдемдыме  марте проект да смета документацийым ямдылен шукташ кӱлеш манын. Вашлиймашыште тыгак республикым социал-экономик велым вияҥдыме индивидуал программым шуктымо да калыкле проект-влакым шыҥдарыме йодышым каҥашыме.