Параньга районлан - у автоклуб

«Тӱвыра» калыкле проект кышкарыш пурышо «Культурная среда» регионысо проект почеш Параньга районышко икымше автоклуб толын. Тудым шкешотан шуко функциян изирак тӱвыра рӱдер манаш лиеш. Тудым концерт площадкылан йонештараш лиеш. Тушто чыла кӱлеш тулан, йӱкан да видеооборудований уло. Автоклубым мӱндыр яллаште тӱвыра да каныме мероприятий-влакым эртараш кучылташ тӱҥалыт. Идалык мучаш марте тыгай спецтранспортым  республикысе эше 6 район налеш. Тидлан тӱрлӧ кӱкшытан бюджет гыч 33 миллион теҥге окса ойыралтеш.