Пугачёвын тумыжо - конкурсышто
«Марий Чодра» национальный паркыште кушшо Пугачёвын тумыжо «Российын пушеҥгыже 2021» лӱм верч таҥасымашке ушнен. Йӱклымаш «Пушеҥге – илыше пӱртӱсын памятникше» Пӱтынь Российысе программын сайтыштыже 1-ше майыште тӱҥалын да 1-ше август марте шуйна. Легенда почеш, 1774-ше ийыште тиде тумо воктене Емельян Пугачёвын ик отрядше йӱдлан шогалын. Чылаже конкурсышто 47 пушеҥге верч йӱклымаш эрта. Кажныже мо дене гынат ойыртемалтеш.