Ковид деч вакцинаций
Марий Элыште коронавирус деч вакцинаций умбакыже шуйна. Тачысе кечылан республикыште 49 тӱжем 600 утла еҥ прививкым ыштыктен. Тышеч 37 тӱжем утла еҥже тичмаш курсым эртен. Республикысе тазалыкаралтыш министерствын увертарымже почеш, 12-шо майлан Марий Элыште коронавирус дене эше 13 айдемын черланымыжым палемдыме. Стационарыште 234 еҥ эмлалтеш. 57 айдемын черже чот нелын эрта. Латкоктын ИВЛ аппарат полшымо дене шӱлат.