"Иволга" форумышто вашлиймешке

Марий Элысе чолга самырык еҥ-влак «Иволга» форумыш ушнен кертыт. Тений тудо Самара кундемыште июльышто эрташ тӱналеш. Йодмашым 25-ше май марте пуыман. Тидым форумын официальный сайтыштыже ыштыман. Форумыш 2 тӱжем наре еҥ ушнышаш. Нунылан 7 смена гыч иктыжым ойыраш темлат. Посна площадка-влак студент волонтер отряд-влаклан, архитектур да дизайнлан кумылаҥше тунемше-влаклан, самырык амалкалче, шанчызе, мер пашаеҥ-шамычлан лийыт.2021-ше ийысе ойыртем семын «Иволга» форумышко йоча-влакым ушымаш шотлалтеш. Нуно Российысе тунемше-влакын толкыныштын чолга еҥышт да «Кугу перемена» конкурсын сеҥышыже-влак улыт. Эше ик у виктыш – «Кугыжаныш самырык политика».