Пайрем кечылаште корно туткар шукемын
Май пайрем да каныш кечылаште Марий Элыште 18 кугу корно туткар лийын. 2 еҥ ӱмыр лугыч лийын, 20 айдеме эмганен. Корно инспектор-влакын ойлымышт почеш, пытартыш кечылаште йолешке-влак чӱкчыдын машина орава йымаке логалыныт. Шуко ДТП-же Йошкар-Олаште, Звенигово, Волжский да Медведево районлаште лийын. Пайрем кечылаштак машинам виктарыше 54 йӱшӧ еҥым кученыт.