Татарстан республикыште кугу туткар лийын
Озаҥ оласе ик школышто кугу туткар лийын. Тунеме тӧнежышке пычалан самырык еҥ пурен да лӱйкалаш тӱҥалын. Икмыняр тунемше да ик туныктышо коленыт. 20 утла сусыргышым эмлымверыш наҥгаеныт. 12-шо майым Татарстаныште Ойганыме кече семын увертарыме. Марий Элым вуйлатыше Александр Евстифеев шке лӱмжӧ да республикыште илыше-влакын лӱмышт дене шке чаманымашыжым каласен, сусыргышо-влаклан вашкерак паремаш тыланен. Тыгай туткар лиймылан кӧра регионым вуйлатыше республикысе тунемме тӧнежлаште лӱдыкшыдымылык мерым кугемдаш, школ-влакым терген лекташ кӱштен.