Ял озанлыклан самырык специалист-влакым ямдылыме шумлык

Марий кугыжаныш университетыште республикысе агропромышленный комплекслан кадрым ямдылыме йодыш дене совещаний эртен. Тушто кызытсе жапыште тиде йодыш дене могай нелылык улмым рашемденыт да ончыкшым мом ышташ кӱлмӧ нерген мутланеныт. Погынышо-влак Агротехнологический институтын тунемме лабораторийыштыже лийыныт. Университетын ик ангарыштыже «Ростсельмаш» заводышто ыштен лукмо «Акрос 585» маркан комбайным акленыт. Ростсельмаш завод дене Марий Эл виктерын ваш кылышт пеҥгыде. Кок ий ондак республикылан икымше партий у ял озанлык техникым налме. У технике Агро-технологический институтын студентше-влаклан налме шинчымашыштым практикыште пеҥгыдемдаш полша.

Прошлые выпуски