Марий Элыште футбол тургым
Марий Элыште футбол тургым. Поро йӱла почеш тудо республикын Суперкубокшо верч вашлиймаш гыч тӱҥалын. «Дружба» стадионышто Марий Элын ӱмашсе чемпионжо - Полупроводник прибор заводын командыже да республикын кубокшым сеҥен налше Радиомеханический техникумын футболистше-влак вашлийыныт. Вашлиймаш кокыт – икте счёт дене мучашлалтын. Суперкубокым РМТ-ын командыже сеҥен налын.