Колумб лудмашке ушно
Шушаш кугарнян, 21-ше майыште, Йошкар-Олаште «Колумб лудмаш» эрташ тӱҥалеш. Тушко тунемше ден студент-влакым ушнаш ӱжыт. Ийгот шот дене нуным икмыняр тӱшкалан шелыт. Участник-влак шке мастарлыкыштым кок номинацийыште ончыктат. Иктыштыже ӱдыр-рвезе-влак Валентин Колумбын произведенийже-влакым але тудлан пӧлеклалтше сылнымутым лудыт, весыштыже тудын шомакшылан возымо муро-влакым мурат. 1-ше, 2-шо да 3-шо верлашке лекш-влак республика кӱкшытан Колумб лудмашке каят. Поро йӱла почеш тудо кеҥежым Морко районышто эрташ тӱҥалеш.