Мари-Турекыште корным ачалат

«Формирование комфортной городской среды» программе почеш Марий Турек поселкышто корным ачалыме паша кая. Тушто рӱдӧ урем-влакым шотыш кондышаш улыт. Тачысе кечылан пашазе-влак Советский уремыште тротуарым ачалат. Тыгак эше икмыняр уремын йолын коштмо ужашыжым тӧрлаш палемдыме. Тротуар-влакым ачалыме паша кызыт Йошкар-Олаштат кая. Тудат «Формирование комфортной городской среды» программышке пура.