Звенигово районышто стадион уэмеш

У тунемме ийлан Звенигово районысо Красногорский поселкышто стадионым тӱзатат. Проект почеш футбол пасушто искусственный ужар шартыш лиеш, тротуар-влакым ыштат, теҥгыл ден урно-влакым вераҥдат, йырым-йырымсе кумдыкым тӱзатат. У футбол пасу футбол ден регбим вияҥдаш да тӱрлӧ кӱкшытан таҥасымаш-влакым эртараш кумда йӧным почеш. Тиде стадион 2021-ше ийлан капитально олмыкташ палемдыме республикысе 25 спорт объект радамышке пурен. Тидын нерген май тӱҥалтыште республикысе правительствын коллегийыштыже ойлалтын.


 

Прошлые выпуски