Самырык профессионал-влакым палемденыт

Марий Элыште «Самырык профессионал-влак» 9-ше регионысо чемпионатыште сеҥыше-влакым палемденыт. Сеҥыше-влак да нунын наставникыштлан республикысе правительствын грантшым кучыктеныт. Пайрем погынымаш-влак Марий радиомеханический ден Йошкар-Оласе строительный техникумлаште эртеныт. Грантын кугытшо - 5 тӱжем теҥге. Тиде оксам чемпионатын 42 участникше да 38 наставник налын. Нуным Марий Элысе правительстве вуйлатышын икымше алмаштышыже Михаил Васютин ден Республикысе туныктыш да шанче министр Наталья Адамова саламленыт. Ушештарена: чемпионат мартыште тӱҥалын да республикысе 12 колледжын да техникумын площадкыштыже эртен. Таҥасымаш 32 компетенций дене лийын.

Прошлые выпуски