Шочмо палым тергыза

24-ше май Российыште меланомым тергыме кече семын эрта. Тудын вашеш Йошкар-Олаште 18-ше гыч 21-ше марте шочмо пале-влакым мобильный пунктыште тергаш лиеш. Тиде кечылаште Марий Элысе кожвендиспансерын специалистше-влак Республикысе курчак театр воктене вераҥыт. Тушко 8 гыч 12 шагат марте мийыман. Дерматоскоп аппарат полшымо дене коваштым онкологийлан яра тергат. Пелен паспорт, полис, СНИЛС лийшаш.