Грантым тоштерлан пуэныт

2021-ше ийыште туризм шӧрыныштӧ Марий Эл Республик вуйлатышын грантшылан конкурс иктешлалтын. Кок тӱрлӧ номинацийыште «Шоруньжа – йӱла рӱдӧ» проект дене Морко районысо «Социальный вияҥмаш» поро йӱлам ончыктышо фонд да туризм индустрийым вияҥдымылан Йошкар-Оласе историй тоштер сеҥышаш лектыныт. 2018-ше гыч 2020-шо ий марте тыгай грант полышым туризм инфраструктурым, туризм маршрутым вияҥдымаш, сувенир сатум ыштен лукмаш дене кылдалтше проект-влаклан пуымо.