Экспорт

Марий Элысе агропромышленный комплексыште ыштен лукмо сатум 23 элышке ужалаш колтат. Тений кум тылзе жапыште 3 миллион утла доллараш сату йот эллашке каен. Тӱҥ шотышто тиде ямде кочкыш сату, шыл ден шӧр, пырче да моло продукций. Эн кугу партнёрлан Узбекистан, Таджикистан, Сербий шотлалтыт. Тушко экспорт сатун пелыже кая. Тылеч посна Италий, Нидерланды, Франций, Бельгий, Польша, Швецию да моло эл дене кыл уло.