Выпускник-влаклан
Республикысе школлаште экзаменлан ямдылалтме да контрольный-влакым возымо тургым эрта. 9-ше классым тунем пытарыше-влак тений 2 экзаменым кучат да ойырен налме ик предмет почеш контрольный пашам возат. Тидын кажне шке школыштыжо ышта. 18-ше майыште выпускник-влак биологий, литература да информатика дене шинчымашыштым тергеныт. Таче физика да историйым ойырен налше-влак тыгай пашам возеныт, эрла обществознаний ден химий, 21-ше майыште географий ден йот йылмыла дене контрольный-влак лийыт. Обществозананий ден географий предмет-влакым эн шуко выпускник ойырен налын.